Filaflex materialı ilə Futuristik idman ayaqqabılarını 3D çap edin

İspan material istehsalçısı Recreus bir cüt 3D çaplı Sneakerbot II idman ayaqqabılarını təqdim etdi, onları asanlıqla qatlamaq və lazım olduqda kiçik ölçülü çantaya qoymaq olar.

Idman ayaqqabılarını Recreus şirkətinin təsisçisi Ignacio Garcia hazırlayıb, idman ayaqqabılarının yaradılmasına onu “Gələcəyə qayıdış”, “Ulduz döyüşləri”, “Qısa qapanma” və s. kimi 80-ci illərin kinoları  ilhamlandırıb.

Yeni 3D idman ayaqqabılarını 1.75 mm diametrli elastik Filaflex materialından çap ediblər. Qızdırıcı ucluqdan keçişi zamanı materialın dolaşmasının qarşısını almaq üçün Recreus şirkəti bu növ material üçün xüsusi paslanmayan polad qızdırıcı uc ilə birlikdə ixracetmə cihazı istehsal etdi.

Sneakerbot-ın ilk versiyasını keçən il Рrusa I3 mod vasitəsilə hazırlamışdılar, onun çap üçün böyük bir iş sahəsi və şüşə platforması var.

Şirkət iddia edir – “Yeni model əvvəlkinə nisbətən daha rahatdır. Yumşaqlıq, doldurulma faizinin dəyişdirilməsi ilə adaptasiya edilə bilər”.

Elastik Filaflex materialı 3D printerin dəyişdirilməsinə ehtiyac olmadan elastik məhsulların yaradılmasına imkan yaradır. O, çox sayda yeni imkanlar aşkar edir və yaradıcı azadlıq verir. Məsələn, Filaflex materialı ABS/PLA kimi sərt materiallar ilə birləşdirilə və 3D printerlər  ikiqat ekstruderlər ilə istifadə oluna bilər. Filaflex çap zamanı kapton lent və ya qızdırıcı platformadan istifadə etmək lazım deyil.

CAD layihə mühəndisi Gyrobot elastik hərəkətli  oynaqlı çap olunmuş əl hazırlamaq üçün Filaflex materialını MakerBot şirkətinin şəffav qırmızı materialı ilə kombinə etdi. O, eyni zamanda sərt və davamlıdır. Onun barmaqları yay və xüsusi vətərlərdən istifadəyə ehtiyac olmadan avtomatik açılır. Gərginliyə qadir vətərlər müxtəlif növ obyektləri əllə tutmağa imkan verir.